Um RVC.

/ Um RVC

Reykvíska BláæðasetriðDSC_1953

Reykjavík Venous Center (RVC) sérhæfir sig í meðferð bláæðavandamála.

Guðmundur Daníelsson æðaskurðlæknir hefur áður starfað hjá Scandinavian Venous Centre sem er leiðandi fyrirtæki í meðferð bláæðasjúkdóma í Svíþjóð og Noregi. Starfar nú einnig hjá Aleris sjúkrahúsinu í Stavanger, Noregi. Mikilvægt við framkvæmd aðgerðarinnar er góð kunnátta og reynsla í framkvæmd ómskoðana þar sem aðgerðin byggir á því.

Guðmundur Daníelsson hefur langa reynslu í innæðaaðgerðum á bláæðum og gerði fyrstu aðgerðina við Háskólasjúkrahúsið í Lundi árið 1995. Starfaði hjá Straub Clinic and Hospital í Honolulu, Hawaii um tveggja ára skeið frá 1999 og vann þar m.a við rannsóknir á innæðaaðgerðum. Hann varði doktorsritgerð um bláæðasjúkdóma árið 2003 þar sem meðal annars var fjallað um innæðaaðgerðir (Aspects on Chronic Venous Disease, Department of Vascular Diseases Malmö-Lund, Malmö University Hospital). Stærstur hluti æðahnútaaðgerða í Bandaríkjunum og Evrópu er nú gerður með innæðaaðgerðum og eru laseraðgerðir þar í meirihluta.

Helga Magnúsdóttir svæfingarlæknir er með mikla reynslu af deyfingum og svæfingum og er hún með í öllum aðgerðum og fylgist með líðan þinni.

Starfsfólk með langa reynslu á skurðstofu starfa með okkur. Anna Huld Jóhannsdóttir og Jenný Lind Hjaltadóttir eru skurðhjúkrunarfræðingar en einnig starfa hjá okkur hjúkrunarfræðingarnir Guðný María Guðmundsdóttir og Ólafía Kvaran og sjúkraliðarnir Kristín Grétarsdóttir og Jakobína Erla.

Innæðaaðgerðir er ný meðferð við meðhöndlun á æðahnútum í stað hefðbundinnar skurðaðgerðar. Ekki er opnað inn á æðina á venjulegan hátt heldur er hún meðhöndluð í staðinn með laser (Endovenous laser) sem færður er inn í bláæðina og staðsettur þannig að einungis sá hluti æðarinnar sem er bilaður er meðhöndlaður. Ekki er þörf á hefðbundnum skurðhníf og engir eiginlegir skurðir gerðir. Æðahnútarnir eru fjarlægðir í gegnum nálargöt svo mjög lítil ör, ef einhver, eru sjáanleg nokkrum mánuðum eftir aðgerð.

Umbúðir eru teknar af eftir einn til tvo sólarhringa og þá farið í sturtu. Flestir eru komnir til venjubundna starfa fáeinum dögum eftir aðgerð, algengt er að byrja aftur að vinna daginn eftir aðgerð. Þessi aðgerð gefur mikinn sparnað þar sem vinnutap er mun minna en eftir hefðbundna aðgerð. Fyrsta Laser aðgerðin hér á landi var gerð í janúar 2012 og síðan þá hafa verið gerðar fleiri hundruð slíkar aðgerðir hjá Reykvíska Bláæðasetrinu (RVC).

Æðahnútar

Æðahnútar geta verið án einkenna, það er að einungis er um lýti að ræða. Flestir hafa þó einhver einkenni sem stundum geta verið óljós. Þreyta, pirringur, verkur, bjúgur og sinadráttur eru einkenni sem eru algeng. Ef æðahnútar hafa staðið lengi ómeðhöndlaðir geta komið fram varanlegar skemmdir í húðinni og einnig geta myndast sár. Þessi sár eru oft á tíðum mjög langvinn og erfið í meðferð og eru gjörn að koma aftur.

UM RVC

Reykvíska Bláæðasetrið, Reykjavík Venous Center (RVC) sérhæfir sig í meðferð bláæðavandamála. Guðmundur Daníelsson læknir hefur áður starfað hjá Scandinavian Venous Centre sem er leiðandi fyrirtæki í meðferð bláæðasjúkdóma í Svíþjóð og Noregi. Starfar hjá Aleris í Stavanger en Aleris er stærsta einkasjúkrahúsið á Norðurlöndum. Mikilvægt við framkvæmd innæðaaðgerða er góð kunnátta og reynsla í framkvæmd ómskoðana þar sem aðgerðin byggir á því.

Aðgerðin

RVC notast við laser af nýjustu gerð (ELVeS Radial 2ring™) sem er alþjóðlega viðurkenndur sem einn af þeim bestu og komin er mikil reynsla af notkun hans. Aðgerðin er gerð í staðdeyfingu og ekki er þörf á svæfingu þegar aðgerð er framkvæmd á þennan hátt. Aðgerðin er framkvæmd í ómskoðun (Mindray DP-50).

Upplýsingar

Domus Medica
Egilsgötu 3
101 Reykjavík
S:563-1060
Fax:563-1088

Back to Top