Reykvíska Bláæðasetrið

Reykjavík Venous Center (RVC) sérhæfir sig í meðferð bláæðavandamála.

Guðmundur Daníelsson æðaskurðlæknir hefur áður starfað hjá Scandinavian Venous Centre sem er leiðandi fyrirtæki í meðferð bláæðasjúkdóma í Svíþjóð og Noregi. Starfar nú einnig hjá Aleris sjúkrahúsinu í Stavanger, Noregi. Mikilvægt við framkvæmd æðahnútaaðgerðar er góð kunnátta og reynsla í framkvæmd ómskoðana þar sem aðgerðin byggir á því.

Guðmundur Daníelsson hefur langa reynslu í innæðaaðgerðum á bláæðum og gerði fyrstu aðgerðina við Háskólasjúkrahúsið í Lundi árið 1995. Starfaði hjá Straub Clinic and Hospital í Honolulu, Hawaii um tveggja ára skeið frá 1999 og vann þar m.a við rannsóknir á innæðaaðgerðum. Hann varði doktorsritgerð um bláæðasjúkdóma árið 2003 þar sem meðal annars var fjallað um innæðaaðgerðir (Aspects on Chronic Venous Disease, Department of Vascular Diseases Malmö-Lund, Malmö University Hospital). Stærstur hluti æðahnútaaðgerða í Evrópu og Bandaríkjunum er nú gerður með innæðaaðgerðum og eru laseraðgerðir þar í meirihluta.

Helga Magnúsdóttir svæfingarlæknir er með mikla reynslu af deyfingum og svæfingum og er hún með í öllum aðgerðum og fylgist með líðan þinni.

Starfsfólk með langa reynslu á skurðstofu starfa með okkur. Arna Óskarsdóttir, Jóhanna Kristófersdóttir og Iða Brá Kuforigi og Rebekka Stefánsdóttir  eru skurðhjúkrunarfræðingar en einnig starfa hjá okkur sjúkraliðarnir Kristín Grétarsdóttir og Ingibjörg Valmundsdóttir.

Móttökuritarar Ágústa Valsdóttir og Þórný Jónsdóttir taka vel á móti þér þegar þú kemur.

Innæðaaðgerðir er ný meðferð við meðhöndlun á æðahnútum í stað hefðbundinnar skurðaðgerðar. Ekki er opnað inn á æðina á venjulegan hátt heldur er hún meðhöndluð í staðinn með laser (Endovenous laser) sem færður er inn í bláæðina og staðsettur þannig að einungis sá hluti æðarinnar sem er bilaður er meðhöndlaður. Ekki er þörf á hefðbundnum skurðhníf og engir skurðir eru gerðir. Æðahnútarnir eru fjarlægðir í gegnum nálargöt svo mjög lítil ör, ef einhver, eru sjáanleg nokkrum mánuðum eftir aðgerð.

Umbúðir eru teknar af eftir tvo sólarhringa og þá farið í sturtu. Flestir eru komnir til venjubundna starfa fáeinum dögum eftir aðgerð, algengt er að byrja aftur að vinna daginn eftir aðgerð. Þessi aðgerð gefur mikinn sparnað þar sem vinnutap er mun minna en eftir hefðbundna aðgerð. Fyrsta laser aðgerðin hér á landi var gerð í janúar 2012 og síðan þá hafa verið gerðar fleiri þúsundir slíkar aðgerðir hjá Reykvíska Bláæðasetrinu (RVC).