Æðaslit.

Æðaslit  og Æðaslitsmeðferð

Sprautað er inn í æðaslitið efni sem fær æðavegginn til að leggjast saman og skemmast.

Efnið heitir Aetoxysclerol og er í tveimur mismunandi styrkleikum, 0.5% eða 1% og fer það eftir stærð æðaslitsins hvor lausnin er notuð. Stundum er búin til froða úr lausninni með því að blanda hana saman við loft.

Æðaslitið er áfram til staðar eftir meðferð en ekkert blóð rennur lengur um slitið. Oft er húðin í kringum æðaslits svæðið og meðhöndlaða æðaslitið upphleypt á eftir og getur tekið vikur eða jafnvel mánuði að sjá endanlegan árangur. Þolinmæði er hér mikilvæg. Meðferð á æðasliti er nánast sársaukalaus og tekur um 20 – 30 mínútur. Stundum nægir ekki með eina meðferð og þarf þá að endurtaka meðferðina að nokkrum mánuðum liðnum.

Æðaslit eru yfirleitt meðhöndluð 4 mánuðum eftir æðahnútaaðgerð. Æðaslit minnka oft þegar æðahnútar eru teknir. Þegar eingöngu er um æðaslit að ræða en engir æðahnútar nægir oft ein meðhöndlun. Meðferð á æðasliti kostar á bilinu 18 000 til 36 000 kr.